Plantun de Prouvènço

Pèr coumpara dos planto d'encò nostre

Vicia hybrida & Lilium martagon

Corno-biòu

Vicia hybrida

Fabaceae Leguminosae

Autre noum : Cornabiòu.

Nom en français : Vesce hybride.

Descripcioun :
Lou corno-biòu es uno vesso coumuno que trachis à la primo dins li champ e lis ermas. Li flour soun souleto e sènso pecou. Se destrìo de Vicia lutea que soun estendart èi pelous (fotò), coume li dòusso. Coumpara emé lou corso que ié sèmblo e qu'èi mai blanc.

Usanço :
Ramenten qu'èi pas counseia de manja de grano de vesso, que soun empouisounanto e dounon uno malautié néuroulougico, lou latirisme (presènci d'ODAP).

Port : Erbo
Taio : 20 à 60 cm
Fueio : coumpausado
Tipe bioulougico : Teroufite
Cicle bioulougico : Planto de l'an

Gènre : Vicia
Famiho : Fabaceae
Famiho classico : Leguminosae

Ordre : Fabales

Coulour de la flour : Jauno
Petalo : irreguliero
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : 0 à 1200 m
Aparado : Noun

Liò : Champ - Camin - Tepiero seco
Estànci : Termoumediterran à Mesoumediterran
Couroulougi : Pancaro entresigna
Ref. sc. : Vicia hybrida L., 1753

Martagoun

Lilium martagon

Liliaceae

Noms en français : Lis martagon, Racine d'Or.

Descripcioun :
Tras que poulido planto de nòsti mountagno que pòu flouri fin qu'à mai de 2500m d'auturo. Se recounèis evidentamen à si gròssi flour roujo picoutado e à si fueio verticilado pèr 5 e mai.

Usanço :
La cabosso èro manjado li tèms de carestié. A l'ouro d'aro soun li senglié que se n'en cargon alor que li cabróu esbrouton li fueio. Lou martagoun èi vertuous contro lou mau d'os, es un remoulissènt di car. Evidentamen lou fau pas acampa qu'es uno planto urousamen proutegido.